أروى الكبود العطاش وجات مبتله
الخلاصة
طاب المساء للقصيد وجيت متوله مدفوع من هاجس بالقلب يسعا به مدفوع من هاجس جاد وتمثل له واستسلم القاف له يقطف من اعذابه والشعر كيفا اليا جهزته ازله واقدمه للنشاما بعد ترحابه دامي على ارضيتن ماهيب مختله للعز ابا ارقى سنود وابلغ اسبابه واذا سال عني اللي ماروى غله فانا شمالي رفيع الذات والابه تسعى ركابي لدرب المجد وتدله وبخادم البيت شعري ينثر اطيابه ملك رضالله عليه ولا احداِِِ ايمله ومن لطفه نفسه دوام اْمشرعا بابه حيالله اللي بيوت الشعر يرسن له كما رست في طويق العارض اهضابه سلام له من صميم القلب ياصل له به فرحة اللي فرح في شوف غيابه ومثلك يصير الغلا بالقلب حكراٍله ويرقى بك الشعر فوق ويفتق احجاجه ماودي اقولها اكحيلان وصفا له لكن اكحيلان يوصف به ويزها به ملك على الكل حيدا ضافيا ضله يلجى له اللى شكا الحرة ويهنا به وان جت على العز سورا حاميا حله لاكلش النذل وابدى كالح انيابه من منبع المجد ساسه والكرم كله ولا للفخر ثوب الاهو وهو من اثيابه حتى الوفاء دايما مولاي مدهل له واسم الشهامه ايعود له بمنسابه وان كان رمز الكرم عند العرب دله فانت الكرم للعرب والكل يدري به وجه السعد , والوفاء والفطيب تحتله ماهو بقوة جيوش وشله اعصابه الا بخلق رفيع زان هالطله وفيك اجتمع كل خيرا تاة طلابه ومن كان ( معزي ) ابوة وهو فرعا له يجي على ابوة ويضمه بجلبابه وانا اللى ودى اقوله واتوصل له انك على ابوك فعل وطبع ومشابه (عبدالعزيز ) وعسى الفردوس فالا له مع النبي يرفعه ربي مع احبابه حرا رفع دولته من حالة الذله وخلف حرارا ايو الله خلف اذيابه الكل منهم سليم الرائ والمله شعب السعودي يعذة اقرب اقرابه (وعبدالله ) المشتهر في دقه وجله على التواضع ( ابو متعب ) طوى كتابه وان عودت للمديح وقول حيالله يكفيه بالقول ان المدح يعلا به وبه خله حطها الله حي من خله من التواضع تحسب انه من اصحابه (وسلطان) ساس العطا ولى عهدة له من يجهله نجهله ولا انتقدابه لاجاء اللزوم (الجزوم) المجد عضدا له ينهي وجود العدو قبل اتعشا به ماكن (ابو خالد) الا دوحه امطله وكفه كما مزنه بالوسم سكابه ياسيدي والشعر نكشف لك اسجله اميرنا بالغلا مانلحق انصابه (فهد) امير البلد والقلب منزل له بالعدل والطيب له اتشير سبابه اروى الكبود العطاش وجات مبتله واسعد هل الجوف شبابه وشيابه حياك ياسيدي والقلب لك فله عوض طموح البلد عن ماضي اجدابه والجوف حيتك يامولاي ( عبدالله ) ياخادم البيت والمسجد ومحرابه وانورت بالجوف وانت انوارك امطله بقلوبنا ( ياحبيب الشعب ) شبابه باول زيارة لدارك تبري العله نهدي لك ابيوت في هيبتك جدابه ونحمل لك الشوق حمل الورد بالسله من روض صدرا فؤادة تملك اعجابه ياسيدي لو كشفت الغيب وتفله غلاك عالي مع اهل الجوف منسابه شف دارنا من فرحها فيك منهله متواصله في فرحها كنها غابه نرفض معك طغمه الارهاب والقله وناقف معك ضدهم بالفعل ونجابه ماللخسيس النذل ببلادنا شله لو قالو اسلام ! قلنا ناس كذابه ماهم من ارض السعوديه ابد الله هذول شله .. ابليس اعطاهم اخطابه يالله يالله اتدمر ناسا امضله وتحمي الوطن من لو الجو لترابه وانا اتمنى ان قولى مابه الزله حيث الشعر هو شعور اللى تمعنا به واختم قصيدي بقوله فيك حيالله والا انت اكبر من ا لمادح وما جابه
المصدر-الناشر
صحيفة الجزيرةرقم التسجيلة
648855النوع
شعررقم الاصدار - العدد
12642الموضوعات
الجوف (السعودية)عبدالله بن عبدالعزيز بن عبدالرحمن آل سعود (ملك السعودية) - الزيارات
عبدالله بن عبدالعزيز بن عبدالرحمن آل سعود (ملك السعودية) - تراجم
عبدالله بن عبدالعزيز بن عبدالرحمن آل سعود (ملك السعودية) - رئيس المجلس الاقتصادي الاعلى
تاريخ النشر
20070510الدول - الاماكن
السعوديةالجوف - السعودية