هلا بك هلا بك
التاريخ
2007-05-10التاريخ الهجرى
14280423المؤلف
الخلاصة
باسم الحق خالقنا مسير بيضها والسود وسبحان الذي صور بديع الخلق سبحانه وصلينا على خير البشر المصطفى المحمود عدد مالاحت بروق وهل الديم هتانه نظمت الشعر تعبيراً عن الفرحة براع الجود مليك المملكة خادم بيوت الله عنوانه كتبت واجتهدت وصغت فرحة جوفنا المنشود لسان الحال عن جوف القلوب وكل سكانه هلابك قالها الغايب ورددها لك الموجود هلابك هي شعار الجوف ويلهج لك بها لسانه هلابك يابو متعب والقصيدة نقصها من الزود هلابك كثرماذ عذع هبوب ومالت أغصانه هلابك راعي العوجا غضنفر من عرين اسود نسل عود تسنسل وارتوى من عزجدانه هلابك ماتكفينا ولكنا بشر محدود فرحنا بجيتك والجوف طربانه وفرحانة نحطك بالعيون ويحرسك رب الملا المعبود مليك قلوبنا الانسان في جوده ايمانه فتون الجوف من حلى الزبرجد خصرها منضود وتاج المجد والرفعه أبو متعب وتيجانه بلاد الجوف لبست لك لباس الجوخ والماهود وفزت واستفزت بالفرح والشوق نشوانه نخيل الجوف مس بهامته شقح الغيوم النود تباها في قدومك سيدي واستعذب الوانه يبو متعب زيارتك لها بقلوبنا مردود تواصل.. يامليك قوبنا بالشعب واركانه نحييك بحرارة عارمة ياشيخنا المعهود عسى الله ينصرك ياسيدي ويديم رضوانه نعاهدكم على طاعة وحسن الصنع والمجهود على سنة رسول الله بعد آيات قرآنه نعم في عهد أبومتعب صليب الرأي زبن الكود ملكنا العادل الصارم أسد في وجه عدوانه رقى روس الهضاب الشامخة ورث من أبوه العود عسى الله ينصره ويديم عزه وحدة إخوانه أبو متعب... أبو متعب على كل الأمور يزود ليا منه تبين للملا ينبيك ديوانا يمين الخير مبسوطة وفعله واضح ومشهود ابو متعب مثل غيث يهل وتمطر امزانه وولي العهد سلطان أبو خالد مزبن المظهود بكفه يلطم العادي وكفه يبذل إحسانه ابو خالد ذرى الملهوف لاجته الهموم ورود وزير للدفاع وقايد ملهم بميدانه وحنا بدار مروين العدو من حنظل العبرود ليا دار الرحى واضفى عليه الجو دخانا أقول فهود ياجوف المحبه والسعود فهود سيوف صارمة ماتنثني بالمجد رويات أقول شيوخ وعيال الشيوخ منوخين القود بدار العز والتوحيد حازوا المجدو اثمانه مثل صم الصفاصلب الحجر أوقاسي البالود هلا العوجا.. هل العوجا وكل عارف شانه
المصدر-الناشر
صحيفة الرياضرقم التسجيلة
696415النوع
شعررقم الاصدار - العدد
14199الموضوعات
الجوف (السعودية)عبدالله بن عبدالعزيز بن عبدالرحمن آل سعود (ملك السعودية) - الزيارات
عبدالله بن عبدالعزيز بن عبدالرحمن آل سعود (ملك السعودية) - رئيس المجلس الاقتصادي الاعلى
المؤلف
عواد بن شعيبتاريخ النشر
20070510الدول - الاماكن
السعوديةالجوف - السعودية