الله يخلي للوطن نافل الجيل
التاريخ
2011-05-05التاريخ الهجرى
14320602المؤلف
الخلاصة
بديت باللي مرسلن طير أبابيل على أبرهه يومه نوى هدم بيته اللي من القوه غزا البيت بالفيل ومن سطوته عند العرب ذاع صيته مافاد به يوم انصحه راعي الحيل ابحمي ابلي والحرم ماحميته يحميه من ينشي صدوق المخاييل مأرجيك يالاشرم وربي رجيته وارسل عليهم حامي البيت سجيل لين اصبحو مثل التبن لاذريته وابا ابتدي بالقيل ياعرف القيل اللي على هاجس ضميري بنيته الله يخلي للوطن نافل الجيل عبدالله اللي بكل مأملك فديته اللي سكن بقلوب شعبن حلاحيل شعبك فرحبك ياالملك يوم جيته فرحوا بشوفك ياعساها تساهيل عسى الولي يشفيك مما شكيته شعبك فرحبك فرحة البدو بالسيل عبر الفضاء والصحف حبك لقيته تسمعوا يأهل القلوب المغاليل واخذوا صحفنا واقرو اللي قريته ياللي من الخارج تطهبل طهابيل الشعب واعي رافضن ماادعيته. سائلك بالله يا كثير التهاويل من هرجك الفاضي وش اللي جنيته كان انت مسفوهن فحنا رجاجيل والملك لال سعود لو مابغيته يالله يللي عالمن بالمقابيل تفكنا من شر منهو بليته اللي على الغلطه يمد الدرابيل ماشافها بعيونه اللي عطيته يارب ترسل له مثل طير أبابيل اللي بها جند اليماني غزيته وصلاة ربي عد وبل الهماليل واعداد من حجوا وطافوا بيته على نبين سهل الدين تسهيل رسولنا محمد وشرعه رضيته العميد - مساعد بن عبدالعزيز الحربي
المصدر-الناشر
صحيفة الرياضرقم التسجيلة
758429النوع
شعررقم الاصدار - العدد
15655الموضوعات
السعودية - الاحوال السياسيةعبدالله بن عبدالعزيز بن عبدالرحمن آل سعود (ملك السعودية) - تراجم
المؤلف
مساعد بن عبدالعزيز الحربيتاريخ النشر
20110505الدول - الاماكن
السعوديةالرياض - السعودية