مرحبا سيدي
التاريخ
9-5-2007التاريخ الهجرى
14280422المؤلف
الخلاصة
مرحباً يا سيدي فيك حيالله يا هلا تو القصيد اعتلا شانه الهناء والمفخرة والشرف كله جوفنا في مقدم العز فرحانه وادي السرحان هز الهواء فله واختلط ريح الخزامى بريحانه وأزهرت ثم أنورت واكتست حله واستمالت كل الأغصان طربانه البلد من بشروها وهي فله واسفهلت يوم حطيت باحضانه من وطيت ارض المطار انجلى ظله حيثك أغلى واحد زار سكانه واقفين لك على ساق بالدله يا كثر ما هي لك الجوف ولهانه يا مليك شعورنا حي هالطله جيتنا غيث وهماليل هتانه مالك قلوب الجماهير عبدالله الزعيم اللي سخيات ذرعانه والله إن عروقنا حيل مبتله بالمحبة سيدي منك رويانه والله انك في حشا جوفنا كله برنا بك مالك الملك سبحانه كل أبونا دونك سيوف منسله كلنا للمملكة عين سهرانه من هو اللي يعقد القول ويحله يوم أبو مازن تخالف مع اخوانه غير أبو متعب من اللي تزهل له وارتكأ للمعضلة وسط ديوانه ومن هو اللي يكسب الخير ويصله ومن هو اللي يروي عروق عطشانه ما رأت عيني سوى سيدي لله راجح بين الزعامات ميزانه من سوى صقر العروبة يحق اله يغمر الشعب السعودي بتحنانه ما نلوم قلوبنا يوم يحتله محتويها بالمحبة وغمرانه وان ذكرنا الطيب سلطان هو خله والمكارم عشقها جود خلانه يعلم الله غيمته دوم منهله خيرها عم الحضارة وبدوانه يوم كفين اجود الناس منغله كف أبو خالد من الطيب مليانه ما خرجنا في غلانا عن المله واللي بقلب الشمالي على لسانه
المصدر-الناشر
صحيفة الجزيرةرقم التسجيلة
410034النوع
شعررقم الاصدار - العدد
12641الموضوعات
الجوف (السعودية)عبدالله بن عبدالعزيز بن عبدالرحمن آل سعود (ملك السعودية) - الزيارات
عبدالله بن عبدالعزيز بن عبدالرحمن آل سعود (ملك السعودية) - تراجم
عبدالله بن عبدالعزيز بن عبدالرحمن آل سعود (ملك السعودية) - رئيس المجلس الاقتصادي الاعلى
المؤلف
محمد سالم الوديعة السرحانيتاريخ النشر
20070509الدول - الاماكن
السعوديةالجوف - السعودية