الباحثين الكرام سوف يتم الانتقال الى المكتبة الرقمية بحلتها الجديدة خلال الاسبوعين القادمين
طير السعد
التاريخ
15-5-2007التاريخ الهجرى
14280428المؤلف
الخلاصة
قصيدة للشاعر عبدالهادي بن مريزيق النصيري بمناسبة زيارة خادم الحرمين الشريفين الملك عبدالله بن عبدالعزيز آل سعود وسمو ولي عهده الأمين حفظهما الله لمنطقة الجوف. الجوف غنت والفرح به يدومي يومن أبو متعب تفضّل وجاها غنى فرح واستبشري بالقدومي اليوم يومك مدنها مع قراها هلا هلا ما هب لفح السمومي وعد النبات ورملها مع حصاها تغزلي يا دار وعفي وشومي لشيخ الشيوخ اللي بعطفه كساها نعماً ببو متعب بعيد العلومي اللي طويلات العوالي رقاها اللي إلى وصلت للمس الخشومي مزبن حمايل نجد واللي وراها ريف السنين وستر سود الهدومي إن طار من عج المعارك اغطاها طير السعد فوق الجزيرة يحومي لما صفى مي القراح وسقاها يوم أوكرت فيها دجاج الرخومي كسر عليها الصيرمي ونحاها كما نحى الغربي ثقيل الغيومي حتى صفت أرض الخليج وسماها هذاك عبدالله قوي العزومي الهيبة اللي كل واحد خشاها لا كبرت القالة وحل اللزومي وتباعدوا عنها ولا أحداً قواها نادوا أبو متعب شجاعاً جزومي حتى ولو كبرت يهون عناها شهماً شجاع وبالمواقف عزومي كم قالت شبل الضواري حداها مجده شمخ في عاليات النجومي زوداً على الدنيا وواسع فضاها يا الليث يا بن الليث طيبك يزومي كما يزوم من البحر برد ماها طيبك بحر ما ينحصي بالرقومي يمناك والله ما حصينا عطاها الشعب يرفعلك يدينه ويومي بزود الرواتب والمساعر رماها أبواً على شعبه عطوف ورحومي يبذل على شعبه وكثر عطاها أعطاه حتى زال عنه الهمومي بنزين والديزل ومعها ووراها عضدك أبو خالد حساماً جذومي كل المراجل حاشها واحتواها خذا الفخر والمدح والطيب دومي كم كربة شبل الضواري لقاها أنتم حمانا والعدو مهزومي ماغيركم قاده يذري ذراها مسيرة النهضة سعدها يقومي أنتم رفعتو شأنها ومستواها أنتم تعرفون الحسب والسلومي بجهودكم طيش المعادي خشاها حنا لكم لابه وجنداً خدومي نفرح لفرحتكم ونغني غناها شعباً تكاتف والعدو مخزومي أرواحنا لك يا أبو متعب فناها أبوك يومن الليالي عتومي صهل وجال وصال وأرهب اعداها وحد وحدد ما مسع من يلومي وابعد بسيفه ضدها عن وطاها وأنتم على تطويرها كل يومي لما غدت جنة وكل هواها يا سيدي عن كل نذل محشومي عن الشلة اللي بينت في رداها الكل منهم خاين ومعدومي حنا نحاربهم ونلعن ثواها أنا أحمد اللي زال عنا الوهومي تصحصحت والنفس جاها مناها الله يحمي دارنا عن الخصومي ويعز من شال الحمول وقواها تمت وصلو عد رسم الوسومي على شفيع الخلق يوم التقاها
المصدر-الناشر
صحيفة الجزيرةرقم التسجيلة
419148النوع
شعررقم الاصدار - العدد
12647الموضوعات
الجوف (السعودية)عبدالله بن عبدالعزيز بن عبدالرحمن آل سعود (ملك السعودية) - الزيارات
عبدالله بن عبدالعزيز بن عبدالرحمن آل سعود (ملك السعودية) - رئيس المجلس الاقتصادي الاعلى
المؤلف
عبدالهادي مريزيق النصيريتاريخ النشر
20070515الدول - الاماكن
السعوديةالجوف - السعودية