بطاقة معايدة للقيادة والشعب
Date
25-10-2006xmlui.dri2xhtml.METS-1.0.item-hijriCreated
14271003Author
Abstract
بطاقة معايدة للقيادة والشعب يوم انتهى شهر قضينا صيامه شهر التقى والجود شهر العبادات شهر به الرجال يكرب حزامه حيث ان به من جنة الخلد نفحات يا حظ من صامه وفاز بقيامه واخلص به الطاعه لرب البريات وياحظ من به نال غاية مرامه في توبة تمسح جميع الخطيات ويا تعس حظ اللي غرق في حرامه زاده بشهر الصوم جوع وسيات بوقت الصلاة تطيب لذة منامه ما يدري ان الموت يأتيه بسكات الفرق واضح بين مرهق عظامه بصوم وتسبيح وذكر وصلوات وبين الذي بالشهر صب اهتمامه على السهر ومتابع للقنوات قضى رمضان وشهرنا اعلن تمامه ويا الله عسانا به من اهل الكرامات وهلال عيد الفطر شع بظلامه وحنا لنا بالعيد فرحه وعادات عيد سعيد وبهجة وابتسامه والله يعيده بالسعد والمسرات من بعد ذا ياهل الشعر والفهامه خصصت لي بالعيد ثلاث باقات الأوله للي رفيع مقامه مليكنا المحبوب رجل المروات اللي ارتوى بالطيب حزة فطامه مكارمه تبرد كبود ظميات يا حي والله نور هاك السمامه صقر العروبه ذخرنا بالملمات اللي بحبه ما علينا ملامه الله يديم العز له والسعادات اقول له شاعرك يهدي سلامه ويرفع لك الترحيب وازكى التحيات وعيدك مبارك يا زعيم الزعامه بفرايد ابيات بصفحة مدارات اعايدك والقاف يرخي لثامه وان قلت ابو متعب يروقن الابيات والثانية للي ينومس كلامه سلطان له بالمجد صوله وجولات اعايد اللي له بطيبه علامه وان قلت ابو خالد تطيب الدلالات مع نايف اللي يوم جرد حسامه خلى اهل الارهاب تموت حسرات ومعهم بعد من له بالامجاد هامه ابو فهد سلمان رجل المهمات واخوانهم وعيالهم للشهامه حازوا معانيها وللطيب شارات وثالث بطاقات الوفا والكرامه لاغلى وطن مع خالص الحب مهدات ما انسى الوطن والنفس به مستهامه وهيهات ابنسى شعبه الحر هيهات من اقصى الشمال لسهل وادي تهامه ومن بحره الاحمر الى شرق سيهات شعب كريم نفتخر بالتزامه بحب الوطن وقيادته كل الاوقات شعب فرض على الجميع احترامه اعايده عسى لياله هنيات ثم الصلاة عداد وبل الغمامه وعداد ما شعت بالآفاق نجمات على شفيع الخلق يوم القيامه وافضل نبي خصّه الله بالآيات عطاالله بن سليمان العطاالله -الزلفي
Publisher
صحيفة الجزيرةVideo Number
422679Video subtype
شعرxmlui.dri2xhtml.METS-1.0.item-Issue
12445Topics
السعودية. وزارة الشؤون الاسلاميةالمناسبات الدينية
عبدالله بن عبدالعزيز بن عبدالرحمن آل سعود (ملك السعودية) - التهاني
عبدالله بن عبدالعزيز بن عبدالرحمن آل سعود (ملك السعودية) - تراجم